Қыс бойы жылудан қиналған тұрғын "Екібастұзжылуэнергоны" сотта жеңіп шықты

Сурет: Zakon.kz

Екібастұз соты талапкердің арызы бойынша "Екібастұзжылуэнерго" ЖШС-на қатысты залалды өтеу туралы азаматтық істі қарады, деп хабарлайды Zakon.kz pavlodarnews.kz-ке сілтеме жасап.

Іс материалы бойынша, талапкер Жігер көшесіндегі үйді жылумен жабдықтаудың тоқтатылуы салдарынан батареялар мен құбырлардың жарылып кетуіне байланысты "Екібастұзжылуэнерго" ЖШС-не залалды қалпына келтіру туралы өтінішпен хат жазған, алайда жауап болмаған.

Бұдан кейін талапкер құрылыс материалдарын сатып алып, өз дәлелдерін растау үшін сотқа чек пен ілеспе құжаттардың түпнұсқаларын ұсынған. Сондай-ақ ол қатты суық кезінде отбасы қиналғанын, балалар ауырып, ауруханада жатқанын айтты. Осылайша, жауапкердің материалдық залалды өтемеуіне байланысты сотқа жүгінген.

"Сот отырысында талапкердің дәлелдері расталды. Сот талаптарды ішінара қанағаттандырды. 365 740 теңге көлемінде материалдық залал сомасын өндіріп, моральдік зиян сомасын 100 мың теңгеге дейін азайтты". Екібастұз қалалық сотының баспасөз қызметі

Сот шешімі заңды күшіне енген жоқ.

Оқи отырыңыз