"Қуып жүр мені". ІІМ ақтаулық полиция қызметкерлерінің әрекетін тексереді

полиция, сурет - Zakon.kz жаңалық 30.05.2023 00:18

Сурет: видео скрині

Әлеуметтік желіде ақтаулық тұрғынның түсірген видеосы тарады. Ол полиция қызметкерлері төлқұжатын көрсетпегенін және өзін қуып жүргенін айтқан, деп хабарлайды Zakon.kz.

Полиция оқиға 27 мамыр Ақтаудың "Шығыс-2" шағын ауданындағы "Анвар" супермаркетіне қарама-қарсы жолда болғанын хабарлады.

"Патрульдік полицейлер қоғамдық тәртіп пен жол қозғалысы қауіпсіздігін қамтамасыз ету мақсатында әдеттегідей өздеріне бекітілген аймақта қызмет атқарған. Полиция қызметкерлері бағдаршамның тыйым салынған белгісін ескермей, өтіп кеткен Lada-21140 автокөлігін тоқтатты. Қызметкер өзін жүргізушіге таныстырып, тоқтату себебін түсіндіріп, одан жеке басын куәландыратын құжаттарын талап етті. Алайда жүргізуші полицейдің заңды талабын орындаудан бас тартып, әр түрлі сұрақтар қоя бастады. Одан кейін жол бөлігіне шығып, жол қозғалысының өзге мүшелеріне кедергі келтірген", - делінген хабарламада.

Сонымен бірге жол-көлік оқиғасын болдырмау мақсатында полицейлер азаматты сабырға шақырып, жол жиегіне шығуын өтінген.

"Заң бұзушыға қатысты ҚР ӘҚБтК-тің 599-бабы 1-бөлігі бойынша әкімшілік хаттама жасақталды. Полиция қызметкерлерінің әрекеттерін заң тұрғысынан анықтау үшін қызметтік тексеріс басталды", - деп хабарлады polisia.kz.

Оқи отырыңыз