Павлодар жұрты аптап ыстықта тасаттық беріп, құрбан шалды
Сурет: pexels
Күн ысып, құрғақшылық болғанда тасаттық беріп жауын тілеу бұрыннан бар жоралғы. Бірнеше күннен бері ыстыққа шыдамаған Павлодар халқы ипподромға жиналып құрбан шалды. Бұл рәсім Кереку өңіріндегі бүкіл елдімекендерде өткізілген. Жиналған қауым шариғат талабына сай тасаттық намазын оқып, аспаннан жаңбыр тіледі, деп хабарлайды КТК.
"Шариғаттағы болған ұғым Пайғамбарымыздың сүннетіне сәйкес Мұстахап амалына жатады. Екі ракат жаңбыр сұрайтын намазды оқу. Ең бірінші, құрмалдық шаламыз да, намаз оқимыз. Сондықтан бұл амал, былайша айтқанда, сауап және жақсы жұмыс қатарына жатады". Павлодар облысының бас имамы Жолдас Қоспақұлы
Айта кетсек, күні кеше Қызылжарға Мұхаммед пайғамбардың шашы жеткізіліп, мешіт алдында тасаттық намазы оқылған болатын. Синоптиктер бейсенбіде Қазақстанның басым бөлігінде аптап ыстық сақталатынын ескерткен болатын.
