Тобылда екі жасар бала ашық тұрған құдыққа құлап мерт болды

Қостанай облысының Тобыл қаласында екі жасар бала беті ашық тұрған құдыққа құлап қайтыс болды, деп хабарлайды Zakon.kz alau.kz-ке сілтеме жасап.

Қостанай облысы полиция департаментінің баспасөз қызметі оқиғаға қатысты түсінік берді.

Тобыл қаласында кәріз құдығына құлап кеткен екі жасар баланың өлімі фактісі бойынша Қазақстан Республикасы Қылмыстық кодексінің 254-бабы "Мiндеттерiне адал қарамау" бойынша сотқа дейінгі тергеу басталды. 

Тергеу аясында тиісті сараптамалар тағайындалды.