Төрт қалада ауа жоғары деңгейде ластанғаны анықталды
Сурет: Zakon.kz/Павел Михеев
«Қазгидромет» мамандарының мәліметінше, 16 маусым, жұма күні Астана, Алматы, Атырау және Шымкентте ауада ластаушы заттардың мөлшері артады.
Қолайсыз ауа-райы жағдайлары (ҚАЖ) – атмосфералық ауаның беткі қабатында зиян (ластаушы) заттардың жиналуына ықпал ететін қысқа мерзімді метеорологиялық факторлардың (тыныш, жеңіл жел, тұман, инверсия) жиынтығы.
ҚАЖ жағдайында елді мекендердегі атмосфералық ауаның сапасы нашарлауы мүмкін.
Ластану деңгейінің қалыптасуын анықтайтын маңызды факторлардың бірі синоптикалық жағдайды болжау (жел, жауын-шашын, ылғалдылық, ауа температурасы).
Осы кезеңде сарапшылар мына әрекеттерді ұсынады:
- далада, әсіресе тас жолдардың немесе басқа ластаушы көздің жанында өткізетін уақытты қысқарту;
- балалар мен жүкті әйелдер ұзақ серуеннен аулақ болу керек;
- созылмалы өкпе аурулары, жүрек-қан тамырлары, аллергиялық аурулармен ауыратын адамдар көшеде өзімен бірге дәрі-дәрмегін алып жүруі керек;
- даладағы физикалық белсенділікті шектеу қажет;
- дене шынықтыру және спортпен жабық кешендерде айналысу керек.
Синоптиктер 16 маусымда Қазақстанның 12 облысында дауылды ескерту болатынын хабарлады. Елдің әр түкпірінде бұршақ жауып, бұрқасын соғып, ауа райы ыстық болады.
