Шығыс Қазақстан облысында тағы бір өрт сөндірілді

19 маусым күні Шығыс Қазақстан облысында тағы бір өрт сөндірілді, деп хабарлайды Zakon.kz.

Облыстық төтенше жағдайлар департаментінің мәліметінше, Риддер қаласынан 80 шақырым жерде орналасқан Батыс Алтай мемлекеттік табиғи қорығының аумағында 19 маусым күні сағат 14:00-де 6 гектар аумақтағы өрт жойылды.

19 маусым күні сағат 12:00-де Катонқарағай ұлттық саябағында өрт сөндірілді деген хабар тарады. Өрт аумағы 15 гектар болған.

"Батыс Алтай мемлекеттік табиғи қорығы" мемлекеттік табиғи қоры аумағында өрт 17 маусымда шықты. Өрт Риддерден 80 шақырым жердегі таулы орман алқабында болған. Облыс әкімі, оның орынбасарлары, Төтенше жағдайлар департаментінің басшылығы өртпен күресті әуеден бақылады.