Талдықорған маңындағы көлік апатынан екі адам қаза тапты

Талдықорған-Үштөбе айналма жолында Mitsubishi Pajero автокөлігі КамАЗ жүк көлігімен соқтығысты, деп хабарлайды Zakon.kz polisia.kz-ке сілтеме жасап.

Mitsubishi Pajero-ны 32 жастағы ер адам басқарған, ол жолаушысымен бірге оқиға орнында көз жұмды.

Сондай-ақ 34 жастағы әйел түрлі жарақатымен қалалық ауруханаға жатқызылды.

Қажетті сараптамалар тағайындалып, сотқа дейінгі тергеу амалдары басталды.