Талдықорған маңында екі көлік бетпе-бет соқтығысып, салдарынан екі адам қаза тапты

Сурет: Жетісу облысы ПД баспасөз қызметі

Талдықорған-Үштөбе айналма жолында Mitsubishi Pajero автокөлігі КамАЗ жүк көлігімен соқтығысты, деп хабарлайды Zakon.kz.

Mitsubishi Pajero-ны 32 жастағы ер адам басқарған, ол жолаушысымен бірге оқиға орнында көз жұмды.

Сондай-ақ 34 жастағы әйел түрлі дене жарақаттарымен қалалық ауруханаға жатқызылды.

Сурет: Жетісу облысы ПД баспасөз қызметі

"Автожолдың аталған учаскесінде Mitsubishi Pajero автокөлігі КамАЗ жүк көлігімен соқтығысқанын хабарлаймыз. Өңір полициясы жүргізушілерді жылдамдық режимін және ҚР ЖҚЕ-де көрсетілген басқа да талаптарды мүлтіксіз орындауға шақырады", - деді Жетісу облысы полиция департаментінің баспасөз қызметі.