Израиль әскері қарулы топтарға қарсы рейд жүргізді

Израиль әскері Иордан өзенінің батыс жағалауындағы Дженин босқындар лагеріне рейд жүргізуге кірісті.

Палестиналықтардың сөзінше, қалада қазір зымыран атылып, қарулы шайқас жүріп жатыр. Соңғы мәліметке қарағанда, 3 адам қаза тауып, 20-дан астамы жараланған.

Израиль "Дженин батальонына" кіретін "Хамас", "Ислам жиһады", "Фатх" тәрізді топтардың қару-жарақ қоймалары мен басқару орталығын жою үшін әскери операцияны бастаған.

Палестиналық содырлар болса, Израиль оккупациясын тоқтату үшін соңғы демі мен оғы қалғанша соғысатындарын ескертіп отыр.