Өзбекстандағы президент сайлауында Шавкат Мирзиеев жеңіске жетті

Өзбекстан ОСК төрағасы Зайниддин Низамхожаев кезектен тыс президент сайлауының қорытындысын жариялады. Дауыстарды санаудан кейін 87,05 пайыз дауысты қазіргі президент Шавкат Мирзиеев жеңіп алды, деп хабарлайды Zakon.kz.

Өзбекстанда 9 шілдеде кезектен тыс президент сайлауы өтті. Еліміздің ОСК мәліметінше, сағат 17:00-де сайлаушылардың 69,85 пайызы дауыс беріп, 13 миллион 459 мың 677 адам дауыс берген.

Президенттікке 4 үміткер бақ сынады. ОСК дауыс берудің алдын ала нәтижелерін жариялады:

• Ұлықбек Иноятов – 4,02%;
• Шавкат Мирзиёев – 87,05;
• Робахон Махмудова – 4,43%;
• Абдушукур Хамзаев – 3,74%.

Өзбекстан заңнамасы бойынша сайлау 33 пайыздық шекті көрсеткішпен өтті деп саналады. Бұл меже 9 шілде күні таңғы 11-де еңсерілді.

Президенттік сайлауда жеңіске жету үшін кандидат 50 пайыздан астам дауыс жинауы керек.