Астанадағы интернет пен ұялы байланыстың сапасы сын көтермейді – Тоқаев

Астана, Астанадағы интернет, интернет, ұялы байланыс, Қазақстан президенті, сурет - Zakon.kz жаңалық 11.07.2023 14:38

Сурет: pixabay

11 шілдеде елорданы дамытуға арналған кеңесте Қасым-Жомарт Тоқаев Астанадағы интернет пен ұялы байланыстың сапасы нашар екенін айтты, деп хабарлайды Zakon.kz.

Ол қазіргі цифрлық өркениет пен білім экономикасы жағдайында адамның, әсіресе қала тұрғынының басты қажеттіліктерінің бірі интернетке қолжетімділік екенін атап өтті.

"Біз Астананы барлық жерде "ақылды қала" және аймақтық IT хаб деп жариялап жүрміз, бұл автоматты түрде негізгі цифрлық инфрақұрылымның сапасы жоғары болуы керек екенін білдіреді. Алайда елордадағы интернет пен ұялы байланыстың сапасы сын көтермейді. Ол тұрғындарға ғана жайсыздық әкеліп қоймай, сонымен қатар қала экономикасына елеулі зиян келтіреді, елорда қонақтарына өте жағымсыз әсер қалдырады", – деді мемлекет басшысы.

Бұған қоса Президент Астананы Торонто мен Хельсинки үлгісінде көгалдандыруды ұсынды.

Оқи отырыңыз