Найзағай, бұршақ және аптап ыстық: 12 шілде күні елімізде ауа райы қандай болады

Жаз, ауа райы болжамы, Алматы, Астана, Шымкент, сурет - Zakon.kz жаңалық 11.07.2023 17:28

Сурет: pixabay

12 шілдеде Қазақстанның басым бөлігінде жауын-шашын болмайды, дегенмен кей өңірлерде найзағай ойнап, жаңбыр, бұршақ жаууы мүмкін, деп хабарлайды Zakon.kz.

"Қазгидромет" республикалық мемлекеттік кәсіпорны 12 шілдеде антициклонның кетуімен республиканың басым бөлігінде күн ашық болатынын мәлім етті. Алайда республиканың батысында, солтүстік-батысында атмосфералық фронтальды бөліктердің өтуімен найзағай ойнап, жаңбыр, бұршақ жаууы мүмкін.

Жалпы республика бойынша жел күшейеді, елдің оңтүстігінде шаңды дауыл соғады деп болжанды.

Синоптиктердің болжамынша, еліміздің ірі қалаларында: Астана, Алматы және Шымкентте күн өте ыстық болады.

Астанада – оңтүстік-шығыстан 3-8 м/с жел соғады, ауа температурасы түнде +20+22°C, күндіз +37+39°C;

Алматыда – желдің екпіні 0-5 м/с болады. Ауа температурасы түнде +19+21°С, күндіз +33+35°С;

Шымкентте – шығыстан, оңтүстік-шығыстан 8-13 м/с жел соғады. Ауа температурасы түнде +22+24°С, күндіз +37+39°С.

Оқи отырыңыз