Алматыда Абай даңғылының тағы бір учаскесінде жөндеу жұмыстары жүргізіледі

Абай даңғылы, Алматы, сурет - Zakon.kz жаңалық 17.07.2023 09:39

Сурет: Алматы қаласы әкімдігінің баспасөз қызметі

Алматы қаласындағы Абай даңғылында Байтұрсынұлы көшесінен Есентай өзені арқылы өтетін көпірге дейінгі учаскеде жөндеу жұмыстары басталады, деп хабарлайды Zakon.kz.

Жол қозғалысына қатысушылардың қауіпсіздігін қамтамасыз ету үшін 17 шілдедегі сағат 23-00-ден 19 шілдедегі сағат 06-00-ге дейін даңғылдың солтүстік жағымен толық жабылатын полимерлі асфальтбетон төсеу жұмыстары жүргізіледі, деп мәлімдеді Алматы қаласының әкімдігі.

"Жабық учаскені айналып өту Шевченко көшесі, Құрманғазы көшесі, Байтұрсынұлы көшесі, Сәтбаев көшесі арқылы жүзеге асырылады. Байтұрсынұлы көшесі бойынша көліктің өтпелі қозғалысы қолжетімді болады", – делінген хабарламада.

Алматы, Абай даңғылы, жөнделетін учаске, сурет - Zakon.kz жаңалық 17.07.2023 09:39

Сурет: Telegram/Almaty_akimdigi

Шагабутдинов көшесінен оңтүстік бағытта Абай даңғылына өту және Шәріпов көшесіне Абай даңғылынан солтүстік бағытта өту 17 шілде сағат 23-00-ден 19 шілде сағат 06-00-ге дейін шектеледі.

Оқи отырыңыз