Алматыда Абай даңғылының бір бөлігі уақытша жабылады

Сурет: Zakon.kz

Алматыда Абай даңғылында Әуезов көшесінен Розыбакиев көшесіне дейінгі учаскеде жол жөндеу жұмыстары жүргізіледі. Аталған учаске көліктің барлық түрлері үшін уақытша жабылады, деп хабарлайды Zakon.kz.

Алматы қалалық мобилділік басқармасының Instagram-дағы парақшасында 3 тамызда сағат 23:00-ден 5 тамызда сағат 06:00-ге дейін Абай даңғылының Әуезов көшесінен Розыбакиев көшесіне дейінгі бөлігінің солтүстік бетінде полимерлі асфальтбетон жабынын төсеу жұмыстарының жүргізілуіне байланысты көлік қозғалысы толық шектелетіні нақтыланады.

жолды Әуезов, Шевченко, Сәтбаев, Жароков, Гагарин, Розыбакиев көшелері арқылы айналып өтуге болады.
Абай даңғылын Әуезов, Гагарин, Розыбакиев көшелері арқылы кесіп өтетін жол ашық болады.

"Клочков және Радостовец көшелерінен Абай даңғылына оңтүстік бағытта бұрылатын жолда 3 тамызда сағат 23:00-ден 5 тамызда сағат 06:00-ге дейінгі аралықта көлік қозғалысы шектеледі", делінген хабарламада.

Оқи отырыңыз