Алматының бірқатар ауданында электр желісінде апат болып, электр қуаты өшті

Ауа райының қолайсыздығына байланысты Алматының бірқатар ауданындағы электр желісінде апат болып, электр қуаты өшті, деп хабарлайды Zakon.kz.

Қатты желдің салдарынан кейбір ауданда ағаштар құлады, бұдан тарату желісіндегі 6-10-0, 4 киловольт ажыраған, соның кесірінен Алматының тұтынушылары электрден ажыратылды.

Электр қуаты Жамақаев, Шукшин, Гагарин, Жароков, Әуезов, Жамбыл, Төле би, Шолохов, Сейфуллин көшелерінде өшті. 

"Электр қуатынсыз қалған аудандарды "АЖК" АҚ сайтының картасынан көруге болады. Қазіргі уақытта апаттық-қалпына келтіру жұмыстары жүргізіліп жатыр".  "Алатау жарық компаниясы" АҚ

Компанияның мәліметінше, жарықты 2 сағатта қосу жоспарланған.