Қазақстанның төрт облысында 42 градус ыстық болады
Сурет: pexels
"Қазгидромет" РМК мәліметі бойынша, 24 шілдеде Түркістан облысында таулы асуларда оңтүстік-шығыстан жел соғады, күші 15-20 м/с болады. Күндіз облыстың басым бөлігінде +40+43 қатты ыстық күтіледі. 24-26 шілдеде облыстың басым бөлігінде төтенше өрт қаупі сақталады.
24 шілдеде күндіз Шымкентте +40 қатты ыстық күтілуде. 24-26 шілдеде төтенше өрт қаупі сақталады.
Түркістанда 24 шілдеде күндіз +41+43 қатты ыстық күтіледі. 24-26 шілдеде төтенше өрт қаупі сақталады.
24-26 шілдеде күндіз солтүстікте, Алматы облысының орталығында +42 қатты ыстық күтіледі. Ауданның басым бөлігінде төтенше өрт қаупі сақталады.
25-26 шілдеде Қонаевта өте қатты ыстық +40+42 болады. Төтенше өрт қаупі болады.
24 шілдеде күндіз Қызылорда облысының басым бөлігінде қатты ыстық +40+43 сақталады. 24-26 шілдеде орталықта, облыстың шығысында төтенше өрт қаупі сақталады.
24 шілде күні күндіз Қызылордада +40+42 қатты ыстық күтіледі. 24-26 шілдеде төтенше өрт қаупі сақталады.
24 шілдеде Маңғыстау облысының батысында, солтүстігінде найзағай күтіледі. Солтүстік-шығыстан соғатын жел солтүстік-батысқа ауысады, күндіз облыстың солтүстік-шығысында екпіні 15-20 м/с. Күндіз облыстың басым бөлігінде +40+42 қатты ыстық сақталады. 24 шілдеде облыстың басым бөлігінде жоғары өрт қаупі, облыстың батысында төтенше өрт қаупі күтіледі.
24 шілдеде Ақтауда төтенше өрт қаупі күтілуде.
Бұған дейін "Қазгидромет" синоптиктері 24 шілдеде Қазақстан аумағында болатын синоптикалық жағдай мен қауіпті ауа райы құбылыстары туралы болжамын жариялаған болатын.
