Түркістан облысында оншақты адам қырым қанды безгегін жұқтырған

Түркістан облысы, кене, сурет - Zakon.kz жаңалық 24.07.2023 20:55

Сурет: pixabay

Санэпидемиологтардың дерегінше, биыл Түркістан облысында кене шағу жағдайы көбейген. Жыл басынан бері 1 126 адам кене шағып, дәрігерлер көмегіне жүгінген, деп хабарлайды Zakon.kz.

Соның ішінде 53 адам дәрігерлердің жіті бақылауына алынған, деп мәлімдеді Астана телеарнасы.

Барлау кезінде мамандар 40 мыңнан астам кене жинап, соның ішінде 65 сынамадан вирус анықталған. Жуырда Сауран ауданының 15 жастағы тұрғыны кенеден келетін кеселден көз жұмды. Қырым қанды безгегін жұқтырғандар тиісті емін қабылдап жатыр.

"Екі-екі жағдайдан ол Сауран ауданы, Келес ауданы және Жетісай аудандарында тіркелді. Ал қалған бес аумақта бір-бір жағдайдан тіркеліп отыр", – дейді Облыстық санитариялық-эпидемиологиялық бақылау департаменті басшысының орынбасары Бақтыораз Елемесов.

Оның айтуынша, Түлкібас ауданында бір адам күдікті ретінде ем қабылдап жатыр екен.

Оқи отырыңыз