Түркістан облысында кене шаққан жасөспірім көз жұмды

Түркістан облысы, кене, Конго-Қырым геморрагиялық қызбасы, жасөспірім, сурет - Zakon.kz жаңалық 11.07.2023 10:11

Сурет: pixabay

Түркістан облысында кене шағып алған 15 жастағы жасөспірім Конго-Қырым геморрагиялық қызбасынан қайтыс болды, деп хабарлайды Zakon.kz.

"Хабар 24" арнасының хабарлауынша, брифингте санитариялық дәрігерлер Сауран ауданының жас тұрғыны ауру кене шаққан соң медициналық көмекке жүгінбегенін айтты.

"Жыл басынан бері облыста кене шағу жағдайымен 985 адам қаралды. Өкінішке қарай науқастың дәрігерлік көмекке кеш жүгінуі себептен бір жасөспірім бала көрсетілген ем – дом шараларына қарамастан қайтыс болды".Санитариялық-эпидемиологиялық бақылау департаменті басшысының орынбасары Бақтыораз Елемесов

Жыл басынан бері облыста 48 адамға Конго-Қырым қанды безгегі диагнозы қойылып, тоғыз адамда вирустың нақты белгілері анықталған.

Науқастармен қарым-қатынаста болғандар оқшауланып, дәрігерлер бақылауына алынды.

Кенеден келетін қауіпті инфекция Ордабасы, Отырар, Төле би, Келес, Мақтаарал, Жетісай аудандары мен Түркістан қаласының тұрғындарында анықталған.

Оқи отырыңыз