Түркістанда қауіпті жұқпалы аурудан жасөспірім көз жұмды

Түркістан облысында 9 адамнан Конго-Қырым геморрагиялық қызбасы анықталды. Ал Сауран ауданында дәл осы дерттен 1 жасөспірім қайтыс болды, деп хабарлайды Zakon.kz.

Otyrar.kz-тің хабарлауынша, науқас бастапқыда өзінің неден ауырғанын білмей, ауруханаға кеш жеткізілген. Нәтижесінде дәрігерлер баланы аман алып қалудың бар амалын жасағанымен оны құтқару мүмкін болмады.

Сонымен қатар аймақта 1000-ға тарта тұрғынды кене шағып, ауруханаға жүгінген.

Оның ішінде 48 азаматтан аталған ауру белгілері байқалып, сынама алынған. Аты жаман ауру бойынша күдікке ілінген азаматтар 14 күн бойы медициналық бақылауда болды.