"Шабыт" университетінің студенттері енді қымбат қонақ үйде оқиды
Сурет: ramada-plaza-astana-hotel.nochi.com
"Шабыт" университетінің студенттері енді Астанадағы ең қымбат бес жұлдызды қонақ үйде білім алады. Аталған жоғарғы оқу орынында жөндеу жүріп жатқандықтан, Мәдениет және спорт министрлігі осындай шешім қабылдаған, деп хабарлайды Zakon.kz.
Қазақ ұлттық өнер университетінің студенттері осы жылдың басында білім алып отырған ғимараттың шатырынан су сорғалап, тарақан жорғалап жүргенін айтып шағымданған. Әуелде 600 студентке шақталып салынған оқу орынына бүгінге дейін 3 000 адам зорға сыйып келген. Қаражат бөлініп, нысанда жөндеу жұмысы басталып кетіпті. Бұл туралы КТК телеарнасы хабарлады.
"Ғимарат толық күрделі жөндеуден өткізіліп, аумағы біршама кеңейеді" - дейді шаруашылық бөлімінің жетекшісі.
Жөндеуді түгел аяқтау шамамен 1,5 жылға жоспарланған. Ал оған дейін студенттер Астанадағы бес жұлдызды "Рамада Плаза" қонақ үйін паналайды. Нысан қазір Денсаулық сақтау министрлігінің қарамағында.
Мәдениет және спорт мининстрлігі аталған ведомствомен келісімге келіп, ғимараттың 23 мың шаршы аумағын, яғни 67 пайызын пайдаланбақшы. Ал қалған бөлігі медициналық университеттің иелігінде.
"Қазақ ұлттық өнер университеті көшіріледі. Университет әкімшілігі, оқытушылар мен аудиториялар толық жасақталып жатыр. Сабақ та сонда өтеді. Ал "Шабыт" университетінің ғимараты күрделі жөндеуді қажет ететіні туралы әкімдік пен төтенше жағдайлар министрлігінің арнайы шешімі бар".Қазақ ұлттық өнер университеті шаруашылық бөлімінің жетекшісі Тоқтарбек Есенов
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
