Астанада оқушылар мен колледж студенттері онлайн оқиды

Астана қаласы білім басқармасының мәліметінше, ауа райының күрт суытуына байланысты 2023 жылы 12 желтоқсанда бірінші ауысымдағы 0-11 (12) сынып оқушылары мен колледждердің 1-2 курс студенттері қашықтан оқыту форматына ауыстырылды, деп хабарлайды Zakon.kz.

"Ауа райының күрт суытуына байланысты 2023 жылы 12 желтоқсанда бірінші ауысымдағы 0-11 (12) сынып оқушылары мен колледждердің 1-2 курс студенттері қашықтан оқыту форматына ауыстырылды", делінген хабарламада.

"Қазгидромет" РМК деректері бойынша, Астанада 12 желтоқсанда сынап бағаны 30 градусқа дейін күрт төмендейді деп болжанып отыр.

Алдында еліміздің 12 облысында қолайсыз ауа райына байланысты тас жолдар ішінара жабылғаны хабарланған болатын.