Денсаулық сақтау министрлігі Украинадағы зертханалардың Қазақстанға көшірілгені туралы қауесетті жоққа шығарды
Сурет: pixabay
Қазақстанда Американың биологиялық зертханалары орналастырылғаны туралы ақпарат жалған болып шықты, деп хабарлайды Zakon.kz.
StopFake.kz порталының жазуынша, ҚР Денсаулық сақтау министрлігі Қазақстанда 30 биологиялық зертхана орналастырылғаны туралы ақпаратты жоққа шығарды. Әлеуметтік желілерде және кейбір сайттарда Қазақстан бұған дейін Украинада жұмыс істеген 30 америкалық биозертхананы өз аумағында орналастырғаны туралы ақпарат тараған еді.
"Бұл фейк, ҚР аумағында өзге мемлекеттердің биозертханаларын орналастыру жоспарда болмаған және жоспарланып отырған жоқ", – деп жауап берген ведомство өкілдері порталға берген жауабында.
Қазақстанда бар делінетін шетелдік биологиялық зертханалар жөніндегі алып-қашпа әңгіме бұған дейін де айтылған. Ақпан айында ресейлік депутаттар мұндай мәлімдемені жоққа шығарды, ал наурызда Денсаулық сақтау министрлігі Қазақстан шет мемлекеттердің қатысуымен биологиялық зертханаларды жөндеу мәселесін қарастырмағанын айтты.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
