Ауғанстаннан Қазақстанға 200-ден астам адамнан тұратын делегация келді

Ауғанстаннан Қазақстанға 200-ден астам адамнан тұратын делегация келді, деп хабарлайды Zakon.kz.

Бұл туралы Сауда және интеграция министрі Серік Жұманғарин хабарлады.

Ауғанстаннан келген делегацияны күтіп алдық. 200-ден астам адам", - деп жазды ведомство басшысы Twitter-дегі парақшасында.

Министрдің айтуынша, жуырда B2B келіссөздері, бизнес-форум, ауған тауарларының көрмесі сияқты ауқымды шаралар өтеді.

"Ауғанстан Орталық Азия елдерінің ішінде Қазақстанмен ең көп сауда жасайды, ынтымақтастықты дамыту үшін зор әлеуетіміз бар", - деп жазды ол.