Алматы әкімі Ерболат Досаев Бекмұхаметовтер отбасына көңіл айтты

Ақкент, өрт, сурет - Zakon.kz жаңалық 02.08.2023 02:30

Сурет: видео скрині

Алматы әкімі Ерболат Досаев Ақкент шағын ауданындағы өрттен қаза тапқан әйелдің отбасына көңіл айтты, деп хабарлайды Zakon.kz.

"Қайрат Жармұхамедұлы мен Жұмагүл Жұмашқызы, сіздердің қайғыларыңызға ортақтасып, көңіл айтамын! Әселдің өмірден мезгілсіз өтуі сіздер үшін ғана емес, барлық алматылықтар үшін орны толмас ауыр қайғы. Туған баласынан айырылу ата-ана үшін өте ауыр. Орны толмас ауыр қазада сіздерге сабыр мен төзімділік тілеймін. Сіздердің қыздарыңыз, Әселдің әпкесі Айжанның тезірек сауығып кетуін тілеймін". Алматы әкімі Ерболат Досаев

Досаевтың оның толық сауығуы үшін барлық қажетті медициналық көмек берілетінін айтты.

Еске салайық, бұған дейін Алматыдағы көпқабаттағы үйдегі өрттен зардап шеккен бір әйел қайтыс болғанын хабарлаған едік.

Алатау ауданы Ақкент шағын ауданы, 54 мекенжайында болған өрттен 43 адам зардап шеккен. 4 бала жансақтау бөлімінде жатыр, тағы төртеуі медициналық көмек көрсетілгеннен кейін амбулаторлық емдеуге жіберілді, үш баланың ата-анасы ауруханаға жатқызудан бас тартты.

12 ересек қалалық көпбейінді ауруханаларға жеткізілді, соның ішінде 5 адам ауруханаға жатқызылды, басқалары қажетті жедел медициналық көмек көрсетілгеннен кейін амбулаторлық бақылауға жіберілді.

Оқи отырыңыз