Алматы әкімі дәрігер Юрий Шумковтың отбасы мен жақындарына көңіл айтты

дәрігер, қайтыс болды, сурет - Zakon.kz жаңалық 05.04.2022 15:51

Сурет: instagram/gastro.kz

Алматы әкімі Ерболат Досаев дәрігер Юрий Шумковтың отбасы мен жақындарына көңіл айтты. Дәрігерді 4 сәуір күні аңшы мылтығынан атып өлтірген, деп хабарлайды Zakon.kz.

Ерболат Досаев «бұл отбасы мен еліміздің бүкіл медицина қауымы үшін үлкен қайғы», - деп атап өтті.

Атақты гастроэнтеролог Юрий Шумковтың отбасы мен жақындарына қайғыларына ортақтасып көңіл айтамын. Біз отбасылық дәстүрді жалғастырып, 20 жылдан астам өмірін қоғамға қызмет етуге арнаған – адам өмірін сақтап қалу үшін бар күші мен білімін берген тамаша дәрігерден айырылдық. Жарқын бейнесі мәңгі есімізде! – деді Алматы әкімі.

Дәрігерді өлтіру оқиғасы 4 сәуір күні таңертең Бостандық ауданында орын алды. Қалада «Ұстау» жоспары жарияланып, полицейлер күдіктіні Алатау ауданы аумағында қолға түсірді.

Алматы ПД баспасөз қызметінің хабарлауынша, қазір кісі өлтіру себебі анықталып, тергеу амалдары жүргізілуде.

Оқи отырыңыз