Тоқаев Екібастұздағы алдағы жылыту маусымына дайындық барысын тексерді
![Павлодар облысы, ҚР президенті, сурет - Zakon.kz жаңалық 09.08.2023 13:27](https://kaz.zakon.kz/pbi/WEBP/2023-12-20/file-57337aba-7cbe-4615-926b-462b925e1658/800x450.webp)
Павлодар облысының әкімі Асайын Байхановтың айтуы бойынша, бүгінде магистральдық және орамішілік желілерге жүргізілген гидравликалық сынақтар нәтижесінде анықталған 304 ақау жойылып, 62 шақырым құбыр мен 95 дана бекіту арматурасының 76-сы ауыстырылды, деп мәлімдеді Ақорданың баспасөз қызметі.
![Павлодар облысы, ҚР президенті, жылыту маусымына дайындық, сурет - Zakon.kz жаңалық 09.08.2023 13:27](https://kaz.zakon.kz/pbi/WEBP/2023-12-20/file-7654a698-df5c-476e-bcc6-b3c681d13813/800x450.webp)
Сурет: akorda.kz
Сондай-ақ үкімет резервінен бөлінген қаражат есебінен 5,4 шақырым жылу магистралі жаңартылып жатыр.
![Павлодар облысы, ҚР президенті, ЖЭО, сурет - Zakon.kz жаңалық 09.08.2023 13:27](https://kaz.zakon.kz/pbi/WEBP/2023-12-20/file-97e3fe2b-aa26-4fe1-b6df-58b85d6b757c/800x450.webp)
Сурет: akorda.kz
Жалпы, облыс әкімдігінің мәліметі бойынша, Екібастұздағы апатты жағдайлардың алдын алу үшін екі жобаны іске асыру аса қажет.
- Бірінші жоба – Екібастұз ЖЭО-на техникалық судың үздіксіз берілуін қамтамасыз ететін магистральдық құбыр құрылысы.
- Екіншісі – жаңа жылу магистралінің құрылысы. Бұл қаланың төрт шағын ауданындағы жылу жүйесінің теңгерімділігін қамтамасыз етіп, 9 мыңнан астам қала тұрғынын жылумен қамтамасыз ету параметрлерін айтарлықтай жақсартады.
Мемлекет басшысы Қасым-Жомарт Тоқаев Павлодар облысына жұмыс сапары барысында Екібастұздағы жылу электр орталығында жүргізіліп жатқан жөндеу жұмыстарымен танысты.