Павлодар облысында өрт кезінде сәби көз жұмды

өрт, сурет - Zakon.kz жаңалық 09.08.2023 22:53

Сурет: Павлодар облыстық ТЖД

Павлодар облысында өрт кезінде сәби көз жұмды, оқиға орнында екі техника мен жеке құрамнан сегіз адам жұмыс істеді, деп хабарлайды Zakon.kz pavlodarnews.kz-ке сілтеме жасап.

Облыстық ТЖД баспасөз қызметінің мәліметінше, 9 тамыз күні сағат 10.29-да Тереңкөл ауданының Береговое ауылында жеке меншік үй жанып жатқаны туралы хабарлама түскен.

"Өрт кезінде 2019 жылғы бала зардап шекті, ол бірінші-екінші дәрежелі термиялық күйік алды. Баланы ауруханаға жатқызудың қажеті болмады. Өкінішке орай, 2021 жылы туған қыз бала қайтыс болды. Балалардың анасы аулада болған. Көп балалы отбасы сегізінші баланы күтіп отыр", - деп хабарлады департамент.

Өрттің 80 шаршы метр аумақты шарпығаны анықталды.

Тілсіз жау сағат 11.45-те оқшауланып, сағат 12.15-те толығымен жойылды. Өрттің шығу себебі анықталып жатыр.

Оқи отырыңыз