"Базар жастар лигасының" алғашқы үздіктері анықталды
Сурет: Шымкенттің ішкі саясат және жастар істері жөніндегі басқармасы
Яғни жастарды жұмыспен қамтып, білім беру жобаларына тартуға бағытталған бірқатар шараларды қабылдауды тапсырған еді.
Осыған орай, 12 тамыз – Халықаралық жастар күні қарсаңында, қала әкімі Мұрат Әйтеновтың қолдауымен Шымкентте алғаш рет "Базар жастар лигасы" бастау алды.
Бүгінде Жастар ресурстық орталығының бастамасымен базар жастарын қолдау мақсатында "Базар жастар ұйымы" құрылған болатын. Қазіргі таңда, 9 базарда жастарды қолдау ұйымдары жастармен тығыз байланыста жұмыс жасап келеді.
Сурет: Шымкенттің ішкі саясат және жастар істері жөніндегі басқармасы
8 тамызда бастау алған турнирдің бірінші кезеңі аяқталып, ұлдар арасындағы кіші футбол мәресіне жетті. Мұндай жарыстар, жастарға салауатты өмір салтын насихаттап қана қоймай, бос уақытын тиімді пайдалануға мүмкіндік бермек.
Айта кету керек, футбол ойынына қатысушылар арнайы тағайындалған бас төрешінің бақылауымен жеребе тарту арқылы командаларға бөлініп, бақ сынады.
Сурет: Шымкенттің ішкі саясат және жастар істері жөніндегі басқармасы
Бас төрешінің бекіткен топтық ойын кестесіне сәйкес 16 команда кезең-кезеңімен ойнап, 1/4 кезеңіне 8 команда (Север сауда орталығы, Технодом, Айна, Барыс, Авто-НҰР, Көне қала, Акбар және Жібек жолы базары ) жолдама алды.
Марапаттау рәсіміне Шымкент қаласының ішкі саясат және жастар істері жөніндегі басқарма басшысы Мұратжан Шүкірханұлы арнайы қатысып, барша жастарды 12 тамыз – Халықаралық жастар күнімен және турнирде жеңіске жеткен командаларды құттықтады.
Сурет: Шымкенттің ішкі саясат және жастар істері жөніндегі басқармасы
Ішкі саясат және жастар істері жөніндегі басқармасы басшысы ұлдар арасында өткен кіші футбол ойынының жүлделі I орын, II орын және III орын иегерлерін және "Үзді шабуылшы", "Үздік қорғушы" және "Үздік қақпашы" номинация иегерлеріне "Базар жастар лигасы" кубогын табыстады.
Сонымен қатар, жеңімпаз командаларға дипломдар мен арнайы сертификаттар берілді.
Турнир нәтижесінде:
- I орын – "Акбар" базар командасы (10 планшет);
- II орын – "Көне қала" базары командасы(10 смартфон);
- ІII орын – "Барыс" базар командасы (10 велосипед);
Сурет: Шымкенттің ішкі саясат және жастар істері жөніндегі басқармасы
Турнирдің екінші кезеңі 14 тамыз күні қыздар арасында волейболдан өтеді.
