Жетісу облысындағы сел салдарынан Үштөбеге баратын жолды су басты
Сурет: видео скрині
Толассыз жауған жаңбыр салдарынан Жетісу өңірінің елді мекендеріндегі жолдар жабылып жатыр. Тасқын салдарынан Талдықорғаннан Үштөбеге қатынау мүмкін болмай тұр, деп хабарлайды Zakon.kz.
Үштөбе-Талдықорған тас жолының бойында ондаған көлік тұрып қалды. Куәгерлердің айтуынша, Қаратал өзенінің тасуы салдарынан көлік қозғалысы қиындаған. Бұл жолда мұндай жағдай бірінші рет болып отыр. Қаратал ауданы жағынан да жүру мүмкін емес.
Алдын ала мәлімет бойынша, жолдағы асфальт жартылай қирап, жол жиектерін су шайған, металл құрылымдар (билбордтар) зақымданған.
Бұған дейін Жетісу облысындағы ауылдардың бірін және Талдықорғандағы көшелерді де су басқанын хабарлаған едік.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Тәулік
Апта
Ай
Жыл
