Шымкенттегі гүл дүкенінде сатушыны қорлаған экс-полицейдің жанындағы шенеунік қатаң сөгіс алды

гүл дүкені, сурет - Zakon.kz жаңалық 15.08.2023 01:11

Сурет: polisia.kz

Шымкенттегі гүл дүкенінде сатушыны қорлаған экс-полицейдің жанындағы Еңбекші ауданы бойынша мемлекеттік кірістер басқармасы басшысының орынбасары қатаң сөгіс алды, деп хабарлайды Zakon.kz.

"Мемлекеттік қызметшілерге тәртіптік жаза қолдану қағидаларының 34-тармағына сәйкес, Данияр Елқондыға Қазақстан Республикасы мемлекеттік қызметшілерінің әдеп кодексінің нормаларын бұзғаны үшін тәртіптік жаза қолдану мақсатында материалдар Шымкент бойынша мемлекеттік кірістер департаментінің басшысына жолданды. Нәтижесінде департамент басшысының 14 тамыздағы бұйрығымен Данияр Елқондыға қатаң сөгіс түріндегі тәртіптік жаза қолданылды".Шымкент бойынша мемкірістер департаментінің баспасөз қызметі

Еске салайық, Шымкентте гүл сатушыныны ұрып, гүлді алып кеткен экс-полицейдің қасындағы екінші адам Еңбекші ауданы бойынша мемлекеттік кірістер басқармасы басшысының орынбасары болып шыққан еді.

Оқи отырыңыз