Алматыда 55 шетелдік азамат қабылдап-тарату орнына жеткізілді
![zakon.kz, сурет - Zakon.kz жаңалық 17.08.2023 13:09](https://kaz.zakon.kz/pbi/WEBP/2023-12-06/file-8458c62b-b737-45ff-b85e-d35cf939cd0d/800x450.webp)
Алматыда бір тәулікте 55 шетелдік азамат қабылдап-тарату орнына жеткізілді, деп хабарлайды Zakon.kz.
Бұл жұмыс "Учаске" іс-шарасы аясында жүргізіліп жатыр. Мақсаты – шетел азаматтарының қылмыс жасауының алдын алу.
"Атап айтқанда, шетелдіктерді жұмысқа тарту орындары мен олардың заңсыз еңбек әрекеттері тексерілді. Бұл – хостелдер, көлік жөндеу шеберханалары, көлік жуу және жеміс-көкөніс өнімдерін сату орындары. Өткен тәулікте барлығы 55 шетелдік анықталып, қабылдап-таратуға орналастырылды. Өзбекстаннан – 33, Тәжікстаннан – 16 және Нигериядан – 3 және басқа да елдің азаматтары бар. Сонымен қатар Қазақстаннан дер кезінде шығудан жалтарған 66 шетелдік азамат әкімшілік жауапкершілікке тартылды. Сондай-ақ Қазақстан Республикасының көші-қон заңнамасын өрескел бұзып, шетелдіктерді қабылдаған 33 жеке және заңды тұлғаға әкімшілік айыппұл салынды", – деді Алматы қалалық ПД көші-қон қызметі басқармасының бастығы Асхат Бутунчинов.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript