Президенттік жастар кадр резервіне іріктеуге өтінішті 1 қыркүйектен бастап беруге болады

Президенттік жастар кадр резервіне іріктеуге өтініштерді қабылдау 1 қыркүйекте басталады, деп хабарлайды Zakon.kz.

Өтініштер 30 қыркүйекке дейін pkrezerv.gov.kz сайтында беруге болады.

Іріктеуге жасы 35-тен аспаған, жоғары білімі және 5 жыл жалпы жұмыс тәжірибесі бар, мемлекеттік тілді В1 деңгейінен төмен емес меңгерген Қазақстан Республикасының азаматы қатыса алады.

Биыл іріктеу келесі бағыттар бойынша жүргізіледі:

• Инфрақұрылымды, өнеркәсіпті дамыту және сауда саясаты;
• Агроөнеркәсіптік кешен және қоршаған ортаны қорғау;
• Сыртқы саясат және инвестициялар;
• Экономикалық және қаржылық саясат;
• Цифрландыру;
• Әлеуметтік саясат және азаматтық қоғам.