Тоқаев Вьетнамның әскер тарихы музейіне барды

Президент Вьетнамның әскер тарихы музейіне барды. Мемлекет басшысына музейдің ашылу тарихы таныстырылды, сондай-ақ "Дьенбьенфу түбіндегі ұрыс" атты қысқаметражды деректі фильм көрсетілді, деп хабарлайды Zakon.kz.

Содан кейін Президент экспонаттар қойылған залдарды аралап көрді.

• Ханойдағы әскер тарихы музейі орналасқан Корольдік цитадель ЮНЕСКО-ның Дүниежүзілік мұралар тізіміне енген;
• Отыз залы бар әскери музейде 160 мыңға жуық жәдігер мен құжат сақталған. Олар Вьетнамның құрылу және қарулы күштерінің даму тарихымен байланысты;
• Музейден елдің тәуелсіздігі үшін болған ұрыстарда пайдаланылған соғыс машиналары мен қаруларын көруге болады.