2022 жылдан бері мемлекет 7,8 миллион гектар жерді қайтарып алды

Сурет: primeminister.kz

Қазақстан Республикасы үкіметінің мәліметінше, 2022 жылдың басынан бері пайдаланылмай жатқан және ауыл шаруашылығына заңсыз берілген 7,8 миллион гектар жер мемлекет меншігіне қайтарылған, деп хабарлайды Zakon.kz.

Мәселен, Қарағанды облысында 1,5 миллион гектар ауыл шаруашылығы жері мемлекет меншігіне қайтарылды.

Қостанайда – 738 мың га;
Ақтөбеде – 745 мың га;
Түркістанда – 631 мың га;
Павлодар облысында – 532 мың га.

Республикада жер пайдаланушыларға қатысты 5,5 миллион гектар аумақта 2410 жоспардан тыс тексерулер тіркелді. Тексеру нәтижелері бойынша 3,1 млн га аумақта жер заңнамасын бұзушылықтарды жою туралы 1597 ұйғарым шығарылды, 240,9 мың га аумақ бойынша 246 материал соттарда қаралуда.

Тиісті шараларды қабылдағаннан кейін жер пайдаланушылар 2,7 миллион гектар аумақта ауыл шаруашылығы жерлерін игеруге кірісті.

Сонымен бірге, қабылданған шешімдердің заңдылығына ЖАО-ға қатысты жоспардан тыс тексеру нәтижелері бойынша 526,3 мың га аумақта ауыл шаруашылығы мақсатындағы жерлерді беру туралы ЖАО-ның 515 заңсыз шешімі анықталды, оның ішінде 135 шешім жойылды, қалған 380-і бойынша олардың күшін жою жұмыстары жүргізілуде.

Оқи отырыңыз