Түркістан облысының әкімі қара жамылған әулетте болды

Түркістан облысының әкімі Дархан Сатыбалды, Сырдария өзені, қайғылы оқиға, сурет - Zakon.kz жаңалық 22.08.2023 20:51

Сурет: Түркістан облысы әкімінің баспасөз қызметі

22 тамызда Түркістан облысының әкімі Дархан Сатыбалды Отырар ауданында қайғылы жағдайға ұшыраған әулетке арнайы барды, деп хабарлайды Zakon.kz.

"Сырдария өзенінде орын алған оқыс оқиғадан қайғы жамылған әулеттің ата-аналарына, ет жақындарына көңіл айтты. Қайғыларына ортақтасып, құранға қатысты. Тиісті көмек көрсетіп, қажеттілігінше қолдау ұйымдастыру жүргізілетіндігін жеткізді", делінген облыстық әкімдіктің баспасөз қызметі таратқан хабарламада.

Айта кетсек, 21 тамызда Отырар ауданында бір әулеттен шыққан 4 отбасының мүшелері дарияға демалуға келіп, соңы қайғылы жағдаймен аяқталды. Бүгінде суған батқан 11 адамның 9-ы табылып, жаназасы шығарылып, жер қойнына тапсырылды.

Дархан Сатыбалды, Құран-Қатым, сурет - Zakon.kz жаңалық 22.08.2023 20:51

Сурет: Түркістан облысы әкімінің баспасөз қызметі

Оқыс оқиғаға орай Төтенше жағдайлар департаменті жанынан жедел штаб құрылып, құтқарушылар, аудан әкімдігі мен орман шаруашылығы және еріктілер жолданып, бірден іздестіру шараларына кірісті.

"Мәселе облыс басшысы Дархан Амангелдіұлының тікелей бақылауына алынып, тиісті үйлестіру жұмыстарын жүргізді. Облыс әкімінің екі орынбасары аталған жерде болып, тиісті көмектер ұйымдастырылды. Іздестіру шараларына жалпы 150 бригада, 16 техника, 6 жүзу құралы жұмылдырылды", делінген хабарламада.