25 тамыздағы түскі саудада доллар құлдырап жатыр

Қазақстан қор биржасының (KASE) мәліметінше, 15:30-дағы жағдай бойынша доллардың орташа сараланған бағамы 1,56 теңгеге төмендеп, 460,17 теңге болды, деп хабарлайды Zakon.kz.

Қытай юанінің орташа сараланған бағамы да аздап төмендеп, 62,78 теңгені (-0,90) құрады.

Еуро бағамын Ұлттық банк 501,22 теңге, рубльді 4,89 теңге деп белгіледі.

Ақша айырбастау орындарында доллар – 459-462,5 теңге, еуро – 496,5-502,5 теңге, ресей рублі – 4,71-4,91 теңге аралығында сатылып жатыр.

Ал 25 тамыздағы аукционда әлемдік мұнай бағасы көтеріліп жатыр.

Осылайша, Лондонның ICE Futures биржасында Brent маркалы мұнайдың қазан айындағы фьючерстерінің құны 0,32%-ға өсіп, барреліне 83,63 долларды құрады. Бейсенбіде бұл келісімшарттар 0,2%-ға өсіп, барреліне 83,36 долларды құрады.

Нью-Йорк тауар биржасында (NYMEX) электронды саудада қазан айындағы WTI мұнайының фьючерстерінің бағасы барреліне 0,35%-ға өсіп, 79,33 долларды құрады. Алдыңғы сауда-саттық нәтижесінде бұл келісімшарттардың құны барреліне 0,2%-ға өсіп, 79,05 долларға жетті.