Ақтөбеде ауаны ластаушы заттардың көп мөлшері тіркелуі мүмкін екені ескертілді

Синоптиктер жексенбіде, 27 тамызда Ақтөбеде ауада зиянды заттардың көп мөлшері болуы ықтимал екенін ескертеді, деп хабарлайды Zakon.kz.

"Қазгидромет" мамандарының болжамы бойынша, жексенбіде, 27 тамызда Ақтөбе тұрғындарын қолайсыз метеорологиялық жағдайлар күтіп тұр.

Қолайсыз метеожағдайлар - атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тымырсық, желдің болмауы, тұман, инверсия) жиынтығы. Қолайсыз метеожағдайлар орын алғанда елдімекендердегі атмосфералық ауа сапасының нашарлауы мүмкін.

Ластану деңгейінің қалыптасуын анықтайтын маңызды факторлардың бірі - синоптикалық жағдайдың болжамы (жел, жауын-шашын, ылғалдылық, ауа температурасы).