Алматыда Есентай өзеніндегі көпір түнгі мезгілде жабылады

жол жөндеу, сурет - Zakon.kz жаңалық 31.08.2023 19:07

Сурет: pixabay

Алматыда әл-Фараби даңғылының бойындағы Есентай өзеніндегі көпір түнгі мезгілде жөндеуге жабылады, деп хабарлайды Zakon.kz Almaty Joly Telegram-каналына сілтеме жасап.

"Биыл шілдеде Есентай өзеніндегі көпірдің апатты жағдайына байланысты техникалық сараптама қорытындысы бойынша жаңғырту жұмыстары басталған болатын. Көпірді жаңғырту жұмыстары аясында беларқалар күшейтіліп, ескілері алынып, 96 жаңа аралық құрылыс плита орнатылды, гидроизоляция жасалып, асфальтбетон жабынының төменгі қабаты төселді", - делінген хабарламада.

Ауа-райы қолайлы болса, 31 тамыз сағат 23:00-ден 1 қыркүйек сағат 06:00-ге дейін Сейфуллин даңғылынан Жароков көшесіне дейінгі бөлігінде көлік қозғалысы толығымен шектеліп, жол жабының жоғарғы қабаты төселеді.

Жөндеу аумағын Сейфуллин, Назарбаев, Достық даңғылы, Тимирязев, Жароков, Ерғожин, Розыбакиев және Мұстафин көшелері арқылы айналып өтуге болады.

Бұл 2023 жылға жоспарланған жұмыстар аясында жүргізіліп отыр.

Оқи отырыңыз