БҚО-да ауыл тұрғындары "Нұрлы жер" бағдарламасы бойынша баспаналы болды
Сурет: Батыс Қазақстан облысы әкімдігінің баспасөз қызметі
"Мемлекет басшысы атап өткендей, қазақстандықтардың тұрмыс жағдайын жақсарту бойынша жұмыстар жасалуда. Өңірімізде тұрғындарды қолжетімді және сапалы баспанамен қамтамасыз ету үшін жаңа үйлердің құрылысы қарқынды жүргізілуде. Халықпен әр кездесуде жиі көтерілетін баспана мәселесі облыста да бірте-бірте оң шешімін табуда. Мәселен, соңғы үш жылда облыста 201 тұрғын үй берілсе, оның 44-і Теректі ауданында екен. Жаңа үй сіздерге бақ-береке, ырыс-табыс сыйласын", деді облыс әкімі өз құттықтауында.
Сурет: Батыс Қазақстан облысы әкімдігінің баспасөз қызметі
"Эврика" ЖШС мердігерлік жасаған үш
қабатты тұрғын үйдің құрылысы 2021 жылдың мамыр айында басталған. Үйде 12 бір бөлмелі және 12 екі бөлмелі пәтер
бар. Қоныс тойын тойлағандардың көбі 10 жылдан астам баспана күткен. Кеше жаңаөмірлік 24 отбасы көптен күткен
баспананың иесі атанды. Олардың арасында жетім қалған екі немересін бағып
отырған Татьяна Никитина да бар.
Сурет: Батыс Қазақстан облысы әкімдігінің баспасөз қызметі
"Бүгін - біз үшін ұмытылмайтын, қуанышты күн. Заманауи, жаңа ғимараттан пәтер алғанымызға қуаныштымыз. Біз 10 жылдан астам баспана кезегінде тұрдық. Жайлы, жарық пәтер немерелеріме де ұнады. Осындай мемлекеттік бағдарламалардың бар екені қатты қуантады. Біз "Нұрлы жер" бағдарламасы арқылы, баспаналы болдық". Татьяна Никитина
"Нұрлы жер" бағдарламасының аясында салынған жаңа пәтерлер негізінен аз қамтылған, әлеуметтік осал санаттағы азаматтар, жетім балалар, ерекше қажеттіліктері бар балаларды тәрбиелеп отырған және толық емес отбасыларға берілді.
Сурет: Батыс Қазақстан облысы әкімдігінің баспасөз қызметі
Айта кетейік, облыста ел азаматтарының әл-ауқатын арттырып, өмір сүру сапасын жақсартуға бағытталған ұлттық жобаларды жүзеге асыруға үлкен мән берілуде.
