Жаркент билігі жұртты күлкіге қарық қылған билбордтың көзін құртты
![Билборд, Панфилов ауданы, әлеуметтік желі, сурет - Zakon.kz жаңалық 14.09.2023 18:37](https://kaz.zakon.kz/pbi/WEBP/2023-12-20/file-23d02ec7-a75e-49d3-a020-f0d1e51e943c/800x450.webp)
2023 жылы 13 қыркүйекте әлеуметтік желіде көптің көңілін көтерген видео тарады. Жаркент тұрғыны жаяу жүргіншілерге арналған тротуардың қақ үстіне орнатылған жарнамалық билбордты видеоға түсіріп алған, деп хабарлайды Zakon.kz.
Пушкин – Сыпатаев көшелерінің қиылысында түсірілген видео Жаркент қаласының Instagram парақшалырының бірінде жарияланған.
"Қысқасы, бұл Жаркенттегі жағдай. Осылай келе жатасыз да тура жолмен, бір уақытта былай еңкейесіз (ары қарай жүру үшін - шамамен ред.) Онда тұрған не бар деші?!", - дейді автор видеода.
Күлкіге қарық болған желідегілер бұл жайтты әжуа-қалжыңға айналдыруға тырысты:
- "Бұл Жаркент, балақай! Өлдім ғой күлкіден!"
- "Бізде Талдықорғанда мұндай күлкілі жайттар жетіп артылады".
- "Равшанаман мен Жамшутаман Жаркентке келіп, жұмыс істеп кеткен десең".
- "Бұл адамдардың телефонға үнемі үңіліп жүрмесі үшін жасалған, арасында осылай бой жазып алған да дұрыс".
Zakon.kz редакциясы аталған жайт бойынша Панфилов ауданының әкімдігіне ресми сауалмен жүгінді.
"Сыпатаев-Пушкин көшелерінің қиылысында орналасқан билборд бұзып алынды. Енді жаяу жүргіншілер аталған тротуармен кедергісіз жүре алады", – деп сендіреді Панфилов ауданы әкімінің баспасөз хатшысы Нұрбол Қанағат.
Сондай-ақ, әкімдік жарнамалық билборд орнатылған орыннан түсірілген суреттерді де ұсынды.
![Билборд, Панфилов ауданы, сурет - Zakon.kz жаңалық 14.09.2023 18:37](https://kaz.zakon.kz/pbi/WEBP/2023-12-20/file-09012a76-272e-4703-94b1-932ab10c7361/800x450.webp)
Сурет: Жетісу облысы Панфилов ауданы әкімдігінің баспасөз қызметі
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript