Қазақстанның екі қаласында ауа жоғары деңгейде ластанады

Сурет: Zakon.kz/Павел Михеев

Қазгидрометтің мәліметінше, 15 қыркүйекте Петропавл және Ақтөбе қалаларында ауа жоғары деңгейде ластанып, қолайсыз метеорологиялық жағдай болады, деп хабарлайды Zakon.kz.

Қолайсыз ауа-райы жағдайы (ҚАЖ) – атмосфералық ауаның беткі қабатында зиян (ластаушы) заттардың жиналуына ықпал ететін қысқа мерзімді метеорологиялық факторлардың (тыныш, аз жел, тұман, инверсия) жиынтығы. ҚАЖ пайда болған кезде елді мекендердегі атмосфера ауасының сапасы нашарлауы мүмкін.

Ластану деңгейінің қалыптасуын анықтайтын маңызды факторлардың бірі – синоптика жағдайын болжау (жел, жауын-шашын, ылғал, ауа температурасы).

Қолайсыз ауа-райында мына әрекеттер ұсынылады:

ашық ауада, әсіресе тас жолдардың немесе басқа ластаушы көздердің жанында өтетін уақытты қысқарту;
балалар мен жүкті әйелдер ұзақ серуендеуден аулақ болуы керек;
өкпенің созылмалы аурулары, жүрек-қан тамырлары аурулары және аллергия аурулармен ауыратын адамдар сыртқа шыққанда өзімен бірге дәрісін алып жүруі керек;
Ашық ауадағы физикалық белсенділікті шектеңіз. Дене шынықтыру және спорттық іс-шаралар жабық спорт кешендерінде жүргізілуі керек.

15 қыркүйекте еліміздің 14 облысында дауылды ескерту жарияланды.

Оқи отырыңыз