Бұршақ, жаңбыр, +28 градус ыстық: үш күнге арналған ауа райы болжамы
![Бұршақ, жаңбыр, +28 градус ыстық: үш күнге арналған ауа райы болжамы, сурет - Zakon.kz жаңалық 15.09.2023 14:16](https://kaz.zakon.kz/pbi/WEBP/2023-12-20/file-80b22bdf-0479-4938-b0a9-2f14a89b7419/800x450.webp)
Алдағы үш күнде Қазақстанның басым бөлігінде ауа райы тұрақсыз болады.
"Қазгидромет" РМК мәліметінше, 16-18 қыркүйекте республиканың басым бөлігінде ылғалды қар, бұршақ жаууы мүмкін. Тұман түседі, жаңбыр жауып, +28-ге дейін ыстық болады.
"Таяу күндері республиканың басым бөлігінде фронтальды бөліктердің әсерінен синоптикалық жағдай қалыптасады. Найзағай ойнап, екпінді жел соғады. Солтүстік-батыста, оңтүстік-шығыста бұршақ жаууы мүмкін. Республиканың оңтүстік-шығысындағы таулы аймақтарда түнде жауын-шашын және көктайғақ болады деген болжам бар", - делінген хабарламада.
Болжам бойынша түнде және таңертең республиканың солтүстік-батысын, солтүстігін және шығысын тұман басады.
"Республиканың басым бөлігінде ауа температурасы түнде +2+12°C, күндіз +15+23°C, оңтүстік және оңтүстік-шығыста түнде температура фоны +10+15°C, жылы. Таулы аймақтарда 0+5°С, күндіз +20+28°С", - делінген "Қазгидромет" РМК хабарламасында.
Бұған дейін синоптиктер тамыз айы Қазақстанда жауын-шашынды болғанын айтқан еді.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript