Рудныйда полицей кішкентай баланы өлім аузынан алып қалды
Сурет: Қостанай облысы ПД баспасөз қызметі
Рудныйда полицей бір жарым жасар баланы құтқарып қалды, деп хабарлайды Zakon.kz.
Қостанай облысы полиция департаментінің мәліметінше, патрульдеу кезінде полицей пәтерлерді аралап жүрген. Бесінші қабаттан түсіп келе жатқан ол көмек сұраған дауысты естіп, төмен қарай жүгірген.
"Қолында баласы бар әйелді көрдім, ол бала дем алмай жатқанын айтты. Көршілер де шыға бастады. "Жедел жәрдем" шақырдым, бір күн бұрын нәресте орындықтан құлап кеткен екен", – деді полицей.
"Жедел жәрдемнің" кезекші дәрігерінің телефон арқылы берген нұсқаулығын басшылыққа алған Әділ Қадірбеков баланы құтқаруға кірісіп кеткен.
Көрсетілген көмектің арқасында бала көзін ашып, тыныс ала бастапты. Келген дәрігерлер полицейдің әрекеті дұрыс болғанын айтқан.
"Ұлымыз бір жарым жаста. Көрсетілген көмектің арқасында балам есін жиып, тыныс алды. Көп рахмет", – деді баланың әкесі.
Қазір баланың жағдайы жақсы.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
