Риддердегі ЖЭО-ны реттеу жұмыстарына 7,3 млрд теңге бөлінді
![Роман Скляр, сурет - Zakon.kz жаңалық 17.09.2023 12:10](https://kaz.zakon.kz/pbi/WEBP/2023-12-20/file-0c605f3e-1344-4c1c-85af-722423b64cbd/800x450.webp)
Өңірдегі жылу нысандарында жөндеу жұмыстары аяқталып, ЖЭО іске қосу-баптау кезеңіне дайындық үстінде.
Қазір Риддер ЖЭО-ны күрделі жөндеу бойынша ауқымды жұмыстар жүргізіліп жатыр. Стансаны жөндеуге Үкімет резервінен 7,3 млрд теңге бөлінді. Биыл моноқаланың жылу желілерін күрделі жөндеуден өткізуге 1,1 млрд теңге бағытталды. Сондай-ақ өндіріске тартылған инфрақұрылымды жөндеуге жергілікті бюджеттен 500 млн теңгеден астам қаражат бөлінді.
![Роман Скляр, сурет - Zakon.kz жаңалық 17.09.2023 12:10](https://kaz.zakon.kz/pbi/WEBP/2023-12-20/file-0b86d7b3-d230-49d1-a9ae-cfba235d1315/800x450.webp)
Сурет: primeminister.kz
Премьер-министрдің бірінші орынбасарына Риддер ЖЭО-да іске қосу-реттеу жұмыстары белгіленген кестеге сай жүргізіліп жатқаны туралы айтылды. № 1, 2, 3 қазандық агрегаттарын жөндеу аяқталуға жақын, экрандардың беттері жиналып, орнатылды, бір күн бұрын қазандықтар тазалау жұмыстарын жүргізу үшін сумен толтырылды.
![Роман Скляр, сурет - Zakon.kz жаңалық 17.09.2023 12:10](https://kaz.zakon.kz/pbi/WEBP/2023-12-20/file-05a25942-2b4e-45c5-a091-04dd4bb8386a/800x450.webp)
Сурет: primeminister.kz
Сонымен қатар делегация жұмыс сапары барысында Өскемен ЖЭО-ға да барып қайтты. Мұнда жөндеу жұмыстары алдыңғы жылыту маусымы аяқталғаннан кейін бірден басталған еді.
Бүгінгі таңда стансаның дайындығы 80%-дан асады, 5 қазандық агрегаты мен 8 турбоагрегат жөндеуден өтті. Жөндеу жұмыстарының бағдарламасы қазан айына дейін аяқталады.