Қарағанды облысында барымташылар қолға түсті

Қарағанды облысында мал ұрлығы жиілеген. Жыл басынан бері 25 жағдай тіркелген қылмыстық істердің 10-ы ғана ашылды.

Малды өрістен айдап әкеткен 2 топ ұсталды. Олардың 8 бірдей мал ұрлығына қатысы бар екені дәлелденген, деп жазады qazaqstan.tv.

Ақтоғай ауданының полиция қызметкерлері жедел-іздестіру барысында төрт адамнан тұратын қылмыстық топ мүшелерін қолға түсірген.

Тергеу барысында барымташылардың 6 бірдей мал ұрлығын жасағаны анықталып отыр.

Күдіктілер тергеу изоляторына қамалды. Күз айлары мен соғым сою уақытында төрт түліктің жоғалу фактілері жиілейді. Осыған байланысты облыс аумағында 17 блок бекеттер қойылды.