Азия ойындары: 25 қыркүйек күнгі жарыстың нәтижелері
Сурет: zakon.kz
Дзюдо:
Дзюдодан 81 келі салмақ дәрежесінде Абылайхан Жұбаназар мен 63 келіде сынға түскен Эсмигүл Куюлова Азия ойындарының қола жүлдегерлері атанды.
Спорттық ату:
Оқ атудан 25 метрге жылдам атылатын тапаншамен сайыс финалында Никита Чирюкин қола медаль жеңіп алды.
Бокс:
Сәкен Бибосынов пен Наталья Богданова Азия ойындарын сенімді жеңіспен бастады.
Су добы:
Су добынан Қазақстан әйелдер құрамасы бірінші ойында Сингапур командасын 12:6 есебімен ұтты.
Шахмат:
Шахматтан 3 және 4-раунд ойындары өтті.
Жекелей сында Бибісара Асаубаева мен Жансая Әбдімәлік екі жеңіске жетті.
Ал ерлер бәсекесінде Ринат Жұмабаев бір матчта жеңіске жетті, ал Қазбек Нөгербек бір рет тең ойнады.
Теннис:
Үлкен теннистен Гөзал Айнитдинова/Жібек Құламбаева жұбы алғашқы раундта қатарлық Сафия Эл-Зани/Шайха Халифаны 6:0, 6:0 есебімен ұтты.
Дәл осындай есеппен Денис Евсеев те жекелей сында екінші айналымда Шығыс Тимор спортшысын жеңді.
Аралас сында Жібек Құламбаева мен Григорий Ломакин Оңтүстік Кореядан келген қарсыластарын 7:6, 7:5 есебімен жеңіп, жарыстың үшінші кезеңіне өтті.
Жағажай волейболы:
Ерлер арасындағы жағажай волейболынан Қазақстан командасы жартылай финалға өтті.
Гандбол:
Қазақстандық гандболшылар 31:27 есебімен Өзбекстан командасын жеңді.
У-шу:
Әбдусамат Әшімов пәкістандық М.Рехманды айқын басымдылықпен жеңіп, келесі кезеңге шықты.
