Ұлытау өңірінде 15 мектеп автобусы сатып алынды

Ұлытау облысы, оқушылар автобусы, сурет - Zakon.kz жаңалық 06.10.2023 13:08

Сурет: Ұлытау облысының әкімдігі

Ұлытау облысында оқушылардың ыңғайлылығы мен қауіпсіздігін қамтамасыз ету үшін 15 мектеп автобусы сатып алынды. Бұл жөнінде өңір басшысы Берік Әбдіғалиұлы облыстық мәслихат депутаттарына берген есебінде айтты, деп хабарлайды Zakon.kz.

Берік Әбдіғалиұлы бұған қоса "Жайлы мектеп" ұлттық жобасы бойынша Қабанбай батыр кентінде 300 оқушыға арналған мектеп салу бойынша дайындық жұмыстары жүргізіліп жатқанын атап өтті.

"Абай атындағы мектеп-интернатының оқушыларына 200 орындық жатақхана салынуда (1,4 млрд тенге). 2 мектептің ғимараттарына күрделі жөндеу жүргізілді (1 – Жезқазған қаласында, 1 – Қаражал қаласында). 438 млн теңгеге 45 пәндік кабинет сатып алынды".Берік Әбдіғалиұлы

Өңір басшысының айтуынша, Жезқазған және Сәтбаев қалаларында 320 орындық балабақша облыстық бюджет қаражаты есебінен салынып жатыр.

Сондай-ақ ол "Ұлытау" мемлекеттік техникалық университеті құрылғанын атап өтті.

Оқи отырыңыз