Павлодарда тойда төбелес шығарғандар ұсталды

Павлодар облыстық полиция департаментінің мәліметінше, 7 қазанда түнгі сағат 22:39-да кафенің бірінде төбелес шықты, деп хабарлайды Zakon.kz pavlodarnews.kz-ке сілтеме жасап.

"Шақырту бойынша автопатруль жіберілген болатын. Төбелес тойда таныстардың арасында шыққаны анықталды. Олар арыз жазудан бас тартты", - деп хабарлады департамент.

Тәртіп сақшылары төбелестің барлық қатысушыларына қатысты ҚР Әкімшілік құқық бұзушылық туралы кодексінің 440 және 437-бабы бойынша әкімшілік хаттама толтырып, айыппұл салды.