Тоқаевқа Қызылорда әуежайындағы 20 млрд теңге жұмсалатын жолаушылар терминалының құрылысы жөнінде баяндалды

Қызылорда облысы, "Қорқыт ата" әуежайы, Қазақстан президенті, сурет - Zakon.kz жаңалық 10.10.2023 16:31

Сурет: akorda.kz

Мемлекет басшысы Қасым-Жомарт Тоқаев Қызылорда облысына жұмыс сапары барысында облыс әкімінің "Қорқыт ата" әуежайындағы жаңа терминал құрылысы туралы есебін тыңдады, деп хабарлайды Zakon.kz.

10 қазанда Ақорданың баспасөз қызметінің хабарлауынша, Қызылорда облысының әкімі Нұрлыбек Нәлібаев президентке облыс орталығының әуежайындағы жаңа жолаушылар терминалының құрылысы барысын баяндады. Ол жаңа терминал жеке демеушінің қаражатына салынып, кейін мемлекет меншігіне өткізілетінін айтты.

Қызылорда облысы, , сурет - Zakon.kz жаңалық 10.10.2023 16:31

Сурет: akorda.kz

Жоба құны – 20 миллиард теңге. Оның ішінде 15,7 миллиард теңге – демеушінің әуежай құрылысы үшін бөлген қаржысы. Сондай-ақ жергілікті бюджеттен әуежайдың сыртқы инженерлік-коммуникациялық инфрақұрылымын жүргізу үшін 4,3 миллиард теңге қаржы бөлінген.

"Халықаралық стандартқа сай болатын әуежайда жолаушыларға қызмет көрсету үшін барлық жағдай жасалады. Жаңа терминал келесі жылы пайдалануға беріледі. Нысан қолданысқа берілгеннен кейін бір сағатта 250 жолаушыға қызмет көрсете алады. Түрлі бағыттарға ұшатын әуе рейстерінің саны артады", – делінген баспасөз қызметі таратқан хабарламада.

Бұдан бөлек, облыс әкімі Қызылорда қаласында заманауи үлгіде салынып жатқан автобекеттің биыл жыл соңында іске қосылатынын және қаланың теміржол вокзалына да күрделі жөндеу жұмыстары жүргізіліп жатқанын жеткізді.

Оқи отырыңыз