Мәжіліс депутаты агрессивтілігі үшін сөгіс алды

Сурет: parlam.kz

11 қазанда Мәжілістің жалпы отырысында депутат Бақытжан Базарбек шенеуніктерден мемлекет меншігіне қайтарылған жайылымдық жерлерді бөлуде заң бұзушылыққа жол берген әкімдердің аты-жөнін атауды тым эмоционалды түрде талап етті. Бұл үшін оған палата спикері сөгіс жариялады.

Мемлекет меншігіне қайтарылған жерлерді әкімдердің бөлу мәселесі бойынша тиісті ведомство өкілдеріне жүгінген депутат өз эмоциясын баса алмады.

"Нақты есімдерді атауды сұраймын. Егер сіз нақты аттарды айтпасаңыз, ондай әкімдерге ешқандай шара қолданылмайды. Бізде қылмыстық заңнама бар. Есімдерді беріңіз, біз оларды жауапқа тартамыз. Әйтпесе, тіпті министрліктің өкілдерін қуып жіберуіміз мүмкін". Бақытжан Базарбек

Бұған жауап ретінде Мәжіліс төрағасы Ерлан Қошанов парламентарийге депутаттық этиканы сақтауды еске салды.

"Бақытжан Жұмабекұлы, ең алдымен депутаттық этиканы сақтау керек, сіз агрессивті бола алмайсыз, мен, әрине, қолдамаймын". Ерлан Қошанов

Соған қарамастан, Ерлан Қошанов мәжілісмен көтерген мәселенің дұрыс екенін атап өтті.

Жиында Бақытжан Базарбек Солтүстік Қазақстан облысының Бостандық ауылындағы бұрын қайтарылған жайылымдарды жергілікті билік қайтадан олигархтарға бере бастағанын жеткізді. Ол жергілікті әкімдіктер қайтарылған жерлерді ауқатты адамдарға үлестіретінін мәлімдеді. Ауыл шаруашылығы вице-министрі Әбілқайыр Тамабек нақты атауларды атамады, бірақ жер бөлу кезінде заңбұзушылықтар орын алуы мүмкін екенін жоққа шығармады.

Оқи отырыңыз